TRESNA GUSTI BUMI DALAN ROHANI
Katresnan kuwi datan mung kabiwara
Rasa iku kaejawantah maneka cara
Bisa rerangken ukara lungit kaweca
tanjebing smara lumantar tunggal raga
kang kaiket ing maneka pranatan sajuga
Katresnan iki ombaking segara jiwa
kang kaeja wiwit pedisir sinempyok rasa
kang jumlegur engga prpunton cakrawala
nalika camar-camar mabur kekiter lelana
bebadra marang dalan rohani Kang Kuwasa
Katresnan kuwi metung tumiyup angin gunung
kang tan kuwawa kawilang nadyan ginunggung
cinipta gumelaring bumi dening Kang Maha Agung
kita mung kastu nikmating swasana kang luhung
manungsa sukur mawa kupiya kinarya tan duwung
Yogjakarta, 20 September 2026
Tidak ada komentar:
Posting Komentar